Samráðingar bóru ikki á mál

Tí er stjórnin hjá Framsóknarflokkinum og Sjálvstæðisflokkinum framvegis starvsstjórn. Í løtuni royna allir hinir flokkarnir uttan teir báðir at skipa stjórn.

Forkvinnur og formenn í flokkunum hittust í gjár, mánadagin. Men tað var bara óformligt prát, ongar veruligar samráðingar.

SÍ EISINI Stígur komin í samráðingar

Tað sigur Birgitta Jónsdóttir, forkvinna í tingbólkinum hjá Piratunum, við íslendska kringvarpið, RUV. Hon hevur tó vón um, at ein stjórn fer at spyrjast burturúr.

Steingrímur J. Sigfússon, sum hevur verið longst í Altinginum av øllum tingfólkum, sum vórðu vald 29. oktober, verður altingsformaður fyri fyrst.

Eitt tað fyrsta at gera hjá nývalda tinginum verður at velja fólk í 72 sessir í átta føstum nevndum. Tingsetan hjá Altinginum, sum byrjar í dag, er nummar 146.