- Tíðindi, mentan og ítróttur
Friðskjólsøkjarar býtast millum londini
Friðskjólsøkjarar býtast millum londini
Tað er serliga svenska stjórnin, sum streingir á at fáa ES at góðtaka eina skipan, so londini kunnu býtast um fólk, sum søkja friðskjól
Mynd: savnsmynd
16.12.2016 - 10:11
Londini í ES miða eftir eini semju um nýggja skipan fyri fólk, sum søkja um friðskjól miðskeiðis í 2017. Tað samdust leiðarar í ES um á fundi í Brússel.
- Hetta er fyrstu ferð, at vit hava greiða dagfesting, sigur svenski forsætisráðharrin, Stefan Løfven. Hann sigur, at tað eru Svøríki og Týskland, sum leingi hava strongt á at áseta dagin. Svøríki hevur sett í verk fyribils herðingar í lógini um friðskjól fyri at minka um talið av umsøkjarum.
Svenska stjórnin vónar, at ES, so skjótt sum tilber, hevur eina skipan, sum betur kann býta asylumsøkjarar millum londini í ES. Semjast ES-londini um orðingarnar í ymsku lógunum, sum ES-nevndin hevur lagt fram, skulu lógirnar setast í gildi í limalondunum.
Nýggjastu sendingar í ÚV
Nýggjastu sendingar í SV