- Tíðindi, mentan og ítróttur
Løgreglan fekk 600 fráboðanir
Løgreglan fekk 600 fráboðanir
Í fyrru ódnini, á Tollaksmessu, fekk politiið í Føroyum 256 fráboðanir um skaðar. Í seinnu ódnini á hesum sinni, jóladag, komu 350 fráboðanir
![](https://kvf.fo/sites/default/files/styles/grein-ovasta-mynd/public/sam_1254.jpg?itok=8EIKrNCF)
Løgreglan hevur higartil fingið stívliga 600 fráboðanir um skaðar eftir jólaódnina
Mynd: Lesaramynd
27.12.2016 - 11:32
Politið fekk bara fráboðan um ein fólkaskaða í jólaódnini. Í Eysturoynni tók vindurin eina kvinnu. Hon breyt beinið.
Í dag, fyrsta gerandisdagin eftir jól, fara telefonirnar hjá tryggingarfeløgunum ivaleyst at gløða. Eingin ivi er um, at skaðarnir eru nógv fleiri enn teir stívliga 600, politiið fekk fráboðan um.
Veðrið er framvegis ringt summastaðni. Sambært Landverki eru upp í 35 m/s í hvirlunum á Heltnini á Oyndarfjarðarvegnum, 28 m/s í Norðradalsskarði og 29 m/s á Porkerishálsi í morgun.
Nýggjastu sendingar í ÚV
Nýggjastu sendingar í SV