Nakrir bilar eru nú bíligari

Nú skal umhvørvisgjald latast av bilum í staðin fyri vektgjald. Tað merkir, at minni ein bilur dálkar, minni skal landskassin hava frá bileigaranum. 

Landsstýrið væntar tó at fáa tað sama í umhvørvisgjaldi sum landskassin fekk í vektgjaldi.

Sambært einum yvirliti, sum Løgtingið fekk saman við lógaruppskotinum, ber til at spara 2.600 krónur um árið við at keypa ávíst slag av bili.

Fleiri dieselbilar gerast bíligari í rakstri

Onkur annar bilur gerst næstan 1.300 krónur dýrari, nú lagt er um frá vektgjaldi til umhvørvisgjald.

Sambært yvirlitinum gerast á leið líka nógvir persónbilar, sum brenna bensin, bíligari ella dýrari, nú lagt er um frá vektgjaldi til umhvørvisgjald.

Men fleiri dieselbilar gerast bíligari í rakstri. Lógarbroytingin er bara galdandi fyri bilar, sum verða skrásettir eftir 1. januar í ár.