Sjónvarpið sendir hondbóltsdyst beinleiðis

Føroyar eru nú einsamallar á odda í HM-undankappingarbólkinum fyri U21-lið fyri menn, sum verður avgreiddur í Føroyum. Føroyar vunnu í gjárskvøldið 31-25 á Ísrael.

Úrslitið í hinum dystinum í gjár millum Sveis og Finnland lagaði seg soleiðis, at Føroyar nú eru einsamallar á odda í bólkinum við fullum stigatali.

Sjónvarpið sendir dystin beinleiðis

Sveis vann 28-26, eftir at hava verið á odda 13-11 í hálvleikinum. Úrslitini hava við sær, at Føroyar eru nummar eitt bólkinum við fýra stigum. Sveis og Finnland hava tvey stig, Ísrael hevur einki stig.

Bara eitt lið í bólkinum spælir seg víðari til HM-endaspælið, og ein javnleikur ella sigur ímóti Finnlandi í dag hevur við sær, at Føroyar koma víðari.

Føroyar og Finnland spæla klokkan 17:00 í dag. Sveis og Ísrael spæla klokkan 15:00. Sjónvarpið vísir dystin millum Føroyar og Finnland beinleiðis.