- Tíðindi, mentan og ítróttur
Fullur bilførari koyrdi útav
Fullur bilførari koyrdi útav
Ein ungur maður, sum hevði drukkið væl meira enn gott er, koyrdi tíðliga í morgun út av vegnum í Kollafirði
Ein ungur maður fekk ikki skaða, tá hann umleið klokkan 5:30 í morgun koyrdi út av vegnum á Kjalnestanga í Kollafirði. Maðurin var ávirkaður av rúsdrekka
29.01.2017 - 09:07
Maðurin, sum er um 20 ár, ætlaði sær norðureftir, tá bilurin, hann royndi at koyra, fór út av vegnum við Kjalnestanga í Kollafirði.
Ein annar bilførari, sum koyrdi fram við, legði til merkis bilin, og boðaði løgregluni frá, sum av tilvild ikki var langt burturi í samband við ferðslukanningar.
Løgreglan kundi skjótt staðfesta, at maðurin hevði drukkið meira enn gott er. Promillan var 1,5. Blóðroynd varð síðani tikin av manninum.
Annars boðar løgreglan frá einum friðarligum vikuskifti, tó at nógv fólk hevur verið í býnum, sambært vakthavandi, John Martin Olsen.
Er kopiera
Nýggjastu sendingar í ÚV
Nýggjastu sendingar í SV
