Føroyar ímóti Grikkalandi og Finnlandi

Føroyska kvinnulandsliðið í hondbólti skal spæla ímóti Grikkalandi og Finnlandi í innleiðandi EM-undankapping. Føroyar komu í bólk A.

Lutakastið var í morgun. Evropeiska hondbóltssamgongan kastaði eisini lut um, hvør hevur fyrsta rætt at hýsa EM-undankappingini og har vunnu føroyar.

Sostatt er tað upp til Hondbóltssambandið, um føroyska landsliðið skal spæla dystirnir móti Finnlandi og Grikkalandi á heimavølli.

Velur Hondbóltssambandið ikki at hýsa dystunum, fellur rætturin fyrst til Grikkaland og síðani Finnland.

Sum skilst er mest sannlíkt, at Hondbóltssambandið fer at taka av møguleikanum.

Dystirnir í innleiðandi EM-undankappingini verða spældir frá 9.juni - 11.juni.

Eitt land kemur víðari úr hvørjum bólki

Bólkur A:

Finnland

Føroyar

Grikkaland

Bólkur B:

Ísrael

Kosovo

Georgia