Erdogan blokkeraður á Wikipedia

Tað upplýsir netverkið Turkey Blocks, sum fylgir við net-sensurinum í Turkalandi.

Sambært Turkey Blocks, eru allar útgávur av Wikipedia, - tað vil siga ikki bara á turkiskum, men á øllum málum, blokkeraðar.

Og tað hevur elvt til vreiði á sosialu miðlunum millum turkarar.

Átti tørnið

Tað er ógreitt, hví Wikipedia er blokkerað, men turkisku myndugleikarnir hava í fleiri ferðir forðað borgarum í at fáa atgongd til eitt nú Twitter, Facebook og Youtube.

Nakrir turkarar rógva framundir, at nú er tað Wikipedia, sum átti tørnið, tí Wikipedia-brúkarar hava dagført síðurnar um turkiska forsetan, Recep Tayyip Erdogan, - og tað er ikki smikrandi lesnaður, skrivar svt.se.

Talufrælsið í Turkalandi er skert munandi seinastu árini, - serliga eftir miseydnaðu kvettroyndina í fjør summar.