Japanski keisarin kann nú leggja frá sær

Shinzo Abe, forsætisráðharri, hevur skrivað undir uppskotið, upplýsir aðalskrivarin Yoshihide Suga.

Lógin verður nú send víðari til viðgerar í parlamentinum, har hon endaliga skal samtykkjast.

Lógarbroytingin kemur bara fáar mánaðir eftir, at fleiri av størru fjølmiðlunum í Japan í januar skrivaðu, at Akihito-keisari hevur ætlanir um at siga keisara-heitið frá sær tíðliga næsta ár.

Megnaði ikki at røkja skyldurnar

Sonur hansara, Naruhito-krúnprinsur, fer helst at taka við trúnuni. 83 ára gamli Akihoto róði í røðu síni í august í fjør framundir, at hann vildi leggja frá sær.

Hann segði, at hann møguliga ikki megnaði at røkja sínar skyldur, tí hann var vorðin so gamal og heilsan var farin at bila. Japanska keisarafamiljan hevur sitið á trúnuni í meira enn 2.600 ár. 

Keisarin verður mettur at vera guddómligur, og er, sambært grundlógini, eitt statussymbol og hann sameinir fólkið, sjálvt um hann ikki hevur beinleiðis politiskt vald, skrivar AFP.