Mansbulurin kann vera Kim Wall

Bulurin, sum var funnin í havnini í Keypmannahavn í gjár, kann vera av ungu svensku tíðindakvinnuni, Kim Wall.

Talan er um ein kvinnukropp har armar, bein og høvd tilvitað eru skorin av, og longdin á kroppinum talar ikki ímóti, at tað er horvna kvinnan, sum fór við heimagjørda danska kavbátinum í farnu viku.

Kroppurin er ikki endaliga eyðmerktur, segði varapolitiinspektørur Jens Møller, í eini kunning á sjónbandi seinnapartin.

Líkáskoðan byrjaði í gjár. Hon verður helst liðug seinnapartin ella í kvøld.