Skotland er heimsins vakrasta land

Tað er vegleiðingar-tíðarritið Rough Guide sum hevur gjørt kanningina.

Leiðarin í VisitSkotland, Malcolm Roughland, vísir á, at seinasta átakið, sum tey gjørdu, var at biðja fólk siga frá, hvussu tey kendu seg og upplivdu Skotland. Svarini vóru greið, fólk kendur seg væl í Skotlandi, og stemningurin var serligur, sigur leiðarin í VisitSkotland.

Hann fegnast samstundis um, at Skotland uttan iva fer at fáa fleiri vitjandi, og hann sigur seg vóna, at tey fara væl um bæði náttúruna og bygningar.

Fleiri norðurlond eru millum tey 20 vakrastu londini. Fremst er Ísland, sum verður mett sum áttinda vakrasta land í heiminum, Finland gjørdist nr. 14 og Noreg nr. 17. Danmark og Svøríki eru ikki á listanum fyri heimsins vakrastu lond.