Irma kravt trý mannalív í Florida

Ódnin Irma kom seinnapartin okkara tíð inn yvir vesturstrondina á amerikanska statinum Florida, og longu nú hevur ódnin kravt trý mannalív.

Ódnin er á fjórða stigi á ódnarmátaranum. Tað merkir, at vindferðin er upp í 69 metrar um sekundið í hvirlunum.

Myndugleikarnir siga, at meira enn ein millión hús og handlar hava mist streymin, og vandi er fyri, at nógv fleiri fara at liggja í streymloysi næstu tímarnar.

Ódnarstovnurin í USA væntar, at Irma fer at hava uppaftur meira vind við sær, so hvørt hon kemur inn yvir vesturstrondina í Florida. 

Tá hon kom inn yvir Florida var vindferðin umleið 60 kilometrar um sekundið. 

Myndugleikarnir hava váttað, at trý fólk eru deyð í ódnini í statinum.

Irma, sum hevur herjað fleiri oyggjar í karibiska havinum seinastu dagarnar, hevur kravt í minsta lagi 25 mannalív.

Á oynni Barbuda vórðu 95 prosent av øllum húsum og bygningum løgd í oyði.