Golfvøllurin á Glyvursnesi: níggju hol gjørd fyrst

Ætlanin um golfvøll á Glyvusnesi er til enn, men hon er broytt ella tillagað.

Nú er ætlanin at gera golfvøll við níggju holum fyrst, sum so seinni skal útbyggjast til 18 hol, sum upprunaliga ætlanin er.  

Fyrsta byggistigið verður gjørt árini 2018 til 2022, trý hol um árið. 

Tá, í 2022, verður avgjørt, um haldast skal fram alt fyri eitt, ella tað verður seinni.

Fyrsta byggistig kann gerast í syðra økinum á Glyvursnesi.

Byggisamtyktin er broytt

Økið er longu ítróttarøki sambært byggisamtyktini. 

Økið er 270.000 fermetrar, sum skal leigast frá Búnaðarstovuni. 

Býráðið í Havn samtykti í gjárkvøldið at gera heildarætlan fyri Glyvursnes, so grótbrotini og aðrar verkætlaninir hjá kommununi eru tiknar við í ætlanini um golfvøllin.

Golfvøllurin er mettur at kosta 27 mió. kr. 

Kostnaðurin næsta ár verður fýra milliónir krónur. 

Býráðið hevur eisini samtykt at útvega Smart Range, sum er ein golfsimulatorur.