Cliff Richard vinnur sakarmál

18.07.2018 - 15:46
AktueltÚtheimurin
Cliff Richard vinnur sakarmál
Bretska kringvarpið er dømt at gjalda heimskenda sangaranum, Cliff Richard, 260.000 dollarar, tí sjónvarpsrásin gjørdi seg inn á privatlív hansara.
 

Bretska kringvarpið er dømt at gjalda heimskenda sangaranum, Cliff Richard, 260.000 dollarar, tí sjónvarpsrásin sendi frá eini húsarannsókn í heimi hansara í 2014.

Málið endaði í hægstarætti, sum hevur dømt BBC at gjalda 260.000 dollarar í endurgjaldi, skrivar AP.

Rætturin sigur, at BBC, við at senda videomyndir frá húsarannsóknini, gjørdi seg inn á privatlívið hjá Cliff Richard.

Løgreglan gjørdi húsarannsókn heima hjá Cliff Richard, tí hann var undir illgruna fyri kynslig lógarbrot, men eftir húsarannsóknina kom løgreglan til ta niðurstøðu, at prógv vóru ikki fyri, at Cliff Richard kundi skuldsetast.

Cliff Richard var burturstaddur, tá politiið gjørdi húsarannsókn í august 2014. BBC fekk eitt prei um húsarannsóknina, og filmaði hana úr einari tyrlu, tá løgreglan fór inn í húsini.

BBC hevur seinni biðið Cliff Richard um umbering, men bretska kringvarpið stendur við avgerðina um at filma frá húsarannsóknini.

Eisini løgreglan í South Yorkshire hevur biðið sangaran um umbering, skrivar AP.  
 

Er kopiera

Sí eisini

Nýggjastu sendingar í ÚV
Týsdag 28. september
Morgunlestur týsdagur 28. september 2021
127574
Mánadag 27. september
Nón - 27. september 2021
129144
Mánadag 27. september
Norðurljóð 27.september 2021
129003
Nýggjastu sendingar í SV
Mánadag 27. september
3-2
129161
Sunnudag 26. september
Andakt við Jógvani Zachariassen
129104
Sunnudag 26. september
Guðstænasta úr Vesturkirkjuni
129102
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807