Útflyta meira og meira óvirkaðan fisk úr Norra

10.01.2019 - 12:06
AktueltÚtheimurin
Útflyta meira og meira óvirkaðan fisk úr Norra
Norska samfelagið missir 30 milliardir krónur í útflutningsvirði, stendur í nýggjari frágreiðing um norska fiskin, tí fiskurin ikki verður virkaður
 
 

Hóast skiftandi stjórnir í Noreg seinastu 30 árini hava sagt seg vilja virka fyri, at størri partur av fiskatilfeinginum skal virkast í landinum, so gongur bara skeiva vegin.

Ein uppgerð hjá Norska Sjómatráðnum vísir, at í fjør fóru 7 av 10 fiskum óvirkaðir av landinum, og tað hevur við sær, at samfelagið missir 30 milliardir krónur í útflutningsvirði, stendur í frágreiðingini.

- Tað fer størri nøgd av óvirkaðum fiski av landinum nú enn fyri 10 árum síðani, sigur stjórin í Sjómatráðnum, Renate Larsen.

Hon vísir á, at í fjør fór 72 prosent av øllum fiski úr Noregi uttan at verða virkaður. Fiskurin fór til marknaðir í Asia, Europa og USA.

Tað er serliga frystur fiskur, sum verður landaður, sum verður fluttur umvegis norska havn til Kina og onnur láglønarlond.

Renate Larsen sigur, at norsk virki kundu tjent 10 milliardir krónur, um vanligur fiskur varð skorin til flak í Noreg, áðrenn hann varð seldur.

Norsku laksavirkini kundu tjent 20 milliardir krónur, um laksurin varð skorin til flak í Noreg, heldur enn í øðrum londum.

84 prosent av norska laksinum og helvtin av norska toskinum fer óvirkaður av landinum, sigur stjórin í Norska Sjómatráðnum.

Nýggjastu sendingar í ÚV
Fríggjadag 18. januar
Bolero 13. jan. 2019
90124
Fríggjadag 18. januar
Góðan morgun Føroyar 180119
90111
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014