Jóhan fær góð skotsmál

Jóhan á Plógv Hansen fekk eitt gott korter á vøllinum í gjár, tá hondbóltslandsliðið hjá Danmark spældi fyri aðru ferð í HM-endaspælinum, sum er í hseum døgum. Og føroyski vongurin fær góð skotsmál frá eitt nú Bent Nygaard, sum er hondbóltsserfrøðingur hjá TV2 Sport.

- Hann fekk nøkur góð mál. Hann valdi at royna sjálvur, tá hann fekk fyrsta málmøguleikan og tað spældi væl av. Tað var gott hjá Jóhan á Plógv Hansen at koma inn og fáa eina kenslu av, hvussu tað er at spæla HM, sigur Bent Nygaard við heimasíðuna hjá TV2.

Høvuðspersónurin sjálvur var eisini sjálvur ovurhondsfegin eftir dystin.

- Hetta er óveruligt. Eg fekk gásarhold, tá tjóðsangurin byrjaði og tá navnið á mær varð kunngjørt í høllini. Hetta er størsta upplivingin, eg havi havt í hondbólti, sigur hann við TV2.