Hoyvíkingar vunnu á vestmenningum

10.02.2019 - 18:48
ÍtrótturHondbóltur
Hoyvíkingar vunnu á vestmenningum
H71 vann á VÍF, og syrgdi við sigrinum fyri, at bæði teir og KÍF komu í hálvfinaluna
 

Tað var stórur spenningur undan, at síðsti dystur í bólki eitt hjá monnunum skuldi spælast í kvøld.

Undan dystinum høvdu trý lið í bólkinum, H71, VÍF og KÍF, møguleika at koma víðari.

Men nú er greitt, at H71 og KÍF skulu spæla hálvfinalur. Tí syrgdu hoyvíkingar fyri á heimavølli ímóti VÍF í kvøld.

H71 vann 30-27. Hálvleiksstøðan var 16-11 til H71.

H71 hevur vunnið bólkin við fullum stigatali, seks stigum. KÍF endar á øðrum plássi við fýra stigum, meðan VÍF endar á triðja plássi við tveimum stigum. Kyndil 2 endaði niðast við ongum stigi.

Neistin og Kyndil víðari

Í Bólki tvey var longu greitt undan síðsta umfari, at Kyndil og Neistin hava spælt seg víðari. Tey møttust í kvøld í dysti um fyrsta plássið í bólkinum.

Neistin vann 27-25 og fer tí víðari úr bólkaspælinum við fullum stigatali.

Í hinum dystinum í bólki tvey vann StÍF á heimavølli 27-26 á Team Klaksvík.

Í hálvfinalunum hjá monnum skal H71 spæla ímóti Kyndli, meðan Neistin og KÍF spæla hina hálvfinaluna.

 

 

Er kopiera
Nýggjastu sendingar í ÚV
Mánadag 6. desember
Hvar gongur markið?
132367
Mánadag 6. desember
Norðurljóð 6.desember 2021
132261
Mánadag 6. desember
Tekstarar mugu hugsa um málbólkin
132346
Mánadag 6. desember
Góðan morgun Føroyar 06.12.2021
132340
Mánadag 6. desember
Morgunlestur mánadagur 6.desember 2021
132314
Nýggjastu sendingar í SV
Sunnudag 5. desember
Andaktin
132331
Sunnudag 5. desember
Hvør veit?
132362
Sunnudag 5. desember
Guðstænasta úr Viðareiðis kirkju
132320
Leygardag 4. desember
Fótbóltur: B36 - NSÍ
132308