Fleiri deyð undir gíslatøku

Fýra fólk vórðu dripin undir eini gíslatøku í Mississippi í USA í nátt. Tað skrivar Tv2. 

Ein samanbrestur byrjaði í einum heimi í býnum Clinton í amerikanska statinum Mississippi. Tað upplýsir løgreglan í Clinton. 

Samanbresturin elvdi til eina gíslatøku í gjár, sum vardi í 12 tímar, og í nátt endaði gíslatøkan við skotbardaga við løgregluna. 

Enn er ikki greitt, hvør stendur aftan fyri gíslatøkuna og skottilburðin, men løgreglan sigur, at eingi børn vóru í húsinum, tá skotbardagin byrjaði.