- Tíðindi, mentan og ítróttur
Kyndil avgjørdi í fyrra hálvleiki
Kyndil avgjørdi í fyrra hálvleiki
Kyndil er steypavinnari í hondbólti. Serliga í fyrra hálvleiki vóru tær grønu úr Havn greitt omaná
23.02.2019 - 16:43
Hóast greipuvinnarin frá í fjør, VÍF, var favorittur undan dystinum, so lat Kyndil ongan iva vera um, hvar sigurin fór.
Tíðliga í fyrra hálvleiki fór tær undan VÍF, og tá liðini fóru til hálvleik tóktist alt avgjørt, tí Kyndil var á odda heili 17-9.
Tíðliga í seinna hálvleiki svaraði VÍF aftur, men tað eydnaðist ongantíð at minka munin til meira enn fýra mál.
Kyndil tók yvir aftur móti endanum av seinna hálvleiki, og tað endaði eisini við sannførandi sigri við sjey málum, 31-24.
Kyndil-VÍF 31-24 (17-9)
| Durita C. Jojic | VÍF | 9 mál |
| Turið Arge Samuelsen | Kyndil | 6 mál |
| Marianna G. Eystberg | Kyndil | 6 mál |
| Bára K. Hansen | Kyndil | 6 mál |
Hetta er fjórðu ferð, at Kyndil er steypavinnari í kvinnuhondbólti.
Hinir steypasigrarnir komu í 2000, 2014 og 2017.
Er kopiera
Nýggjastu sendingar í ÚV
Nýggjastu sendingar í SV
