Bretland ikki úr ES uttan avtalu

Bretland skal ikki úr ES uttan eina avtalu við ES. Tað hevur ein meiriluti í bretska parlamentinum gjørt av

Enn einaferð er avtalan, sum Theresa May, forsætisráðharri, hevur gjørt við ES um Brexit, vrakað í parlamentinum

14.03.2019 - 06:27

Parlamentið tók heldur ikki hesa ferð undir við avtaluni, sum Theresa May, forsætisráðharri, hevur gjørt við ES um Brexit. Tí er greitt, at Bretland ikki skal úr ES uttan eina avtalu við ES.

Eitt uppskot um, at Bretland ikki skal úr ES uttan nakra avtalu varð lagt fyri parlamentið, og tað varð samtykt mikukvøldið við 321 atkvøðum fyri og 278 ímóti.

>> SÍ EISINI »Nay«: Støðan meira óviss enn nakrantíð

Men samtyktin um, at Bretland ikki skal fara úr ES uttan nakra avtalu, er ikki løgfrøðiliga bindandi, og tí kann tað framvegis henda, at Bretland fer úr ES uttan nakra avtalu.

Video: Theresa May heldur røðu í parlamentinum

Ætlandi skal Bretland úr ES 29. mars, men í dag skal tjóðartingið atkvøða um eitt uppskot um, at Bretland skal biða ES um at fáa ta freistina útsetta.

- Eg vil fara úr ES við eini góðari avtalu. Eg haldi, vit kunnu gera eina góða avtalu, segði Theresa May, forsætisráðharri í Bretlandi, í parlamentinum mikukvøldið.