Pressufrælsið hevur tað best í Noregi

Pressufrælsið hevur tað best í Noregi
Felagsskapurin, Reportarar uttan landamørk, hevur í nýggjari frágreiðing almannakunngjørt listan um, hvussu pressufrælsið virkar kring um í heiminum
 
18.04.2019 - 18:12

Sambært listanum virkar pressufrælsið best í Noregi, nummar tvey er Finnland, sum annars var á ovasta plássi í fjør. Á triðja plássi er Svøríki. Og hyggja vit at hinum norðurlondunum, so liggur Danmark á 5. plássi og Ísland á 14. plássi.

Frágreiðingin vísur, hvussu hatur og harðskapur móti journalistum í nógvum londum ger teir bangnar.

T.d. í Fraklandi, sum liggur á 32. plássi, har mótmælistiltøkini hjá Gulu Vestunum hava borið í sær, at journalistar, sum hava dekkað mótmælistiltøkini ikki tora at arbeiða uttan lívverju.

USA er nr. 48. 

Pressufrælsið hevur ovurstóran týdning, tí journalistar viðgera samfelagið. Grundalagið fyri pressufrælsinum er, at tað skal bera til at kjakast, kunna og viðgera.

Tað merkir, at tað er bannað myndugleikum at sensurera tað, sum er sagt, skrivað ella víst, skrivar felagsskapurin.

Russland er nr. 149, tí Kreml ávirkar journalistar og sensurerar ikki-statsstýrdar fjølmiðlar.

Í hinum endanum á listanum liggur NOrðurkorea nú ikki longur niðast, - pressufrælsið hevur tað ringast í Turkmenistan.

 


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585