H71 svaraði aftur

Neistin kundi við einum sigri í kvøld blíva føroyameistari, men H71 vildi tað øðrvísi.

H71 vann 30-25 í høllini á Hálsi. 

Neistin var á odda 11-8, tá 21 minuttir vóru farnir av fyrra hálvleiki, men hoyvíkingar svaraðu aftur, og í hálvleikinum var javnleikur, 15-15.

H71-spælararnir stríddust væl, tá teir komu út til seinna hálvleik, og tað gingu ikki nógvir minuttir, so vóru teir á odda við trimum málum.

Neistin megnaði ongantíð at fáa fatur á H71-leiðsluni aftur.

Síðstu 15 minuttirnar í seinna hálvleiki skoraðu teir bara trý mál, og teir fingu eisin nógvar dýrar útvísingar, sum H71 gjørdi sær dælt av. 

Tað endaði eisini við, at H71 vann greitt við fimm málum, 30-25.

Neistin-H71 30-25 (15-15)

Fimta og avgerandi finalan um føroyameistaraheitið verður í Hoyvíkshøllini leygardagin 27.apríl