Sjóborg umvæld í Noregi

11.06.2019 - 11:46
AktueltVinna
Sjóborg umvæld í Noregi
Fríggjanáttina í síðstu viku bar Sjóborg við oljupallin Statfjord A í Norðsjónum
Sjóborg.
 

Veitingarskipið Sjóborg fer nú á skipasmiðju á Stavangerleiðini í Noregi.

Fríggjanáttina í síðstu viku bar Sjóborg við oljupallin Statfjord A í Norðsjónum.

Skipið fekk skaða á mastrina og útgerðina á henni og eina buklu í skrokkin har afturi, sigur Jens Meinhard Ramussen, stjóri í Skansanum Offshore, sum eigur Sjóborg.

Ikki er neyðugt at taka skipið upp.

276 fólk vóru á Statfjord A, tá óhappið hendi. Tey eru øll flutt av pallinum. 

Sjóborg arbeiddi fyri Statfjord A og var í ferð við at geva pallinum vatn, tá óhappið hendi.

Styrkin hjá pallinum verður nú kannað, áðrenn fólk fer aftur umborð.

Hvør rindar sín skaða

Sjóborg hevur sáttmála við Equinor, sum fyrr var Statoil, til 2022.

Skipið heldur fram at arbeiða eftir tí sáttmálanum, tá tað er umvælt.

Sambært sáttmálanum rindar Skansi Offshore fyri at umvæla Sjóborg, og Equinor fyri at umvæla oljupallin, sigur Jens Meinhard Ramussen.    

Pallurin fekk nakað av skaða, har bjarginarbátarnir eru. 

Jens Meinhard Ramussen sigur, at allir myndugleikar eru við í kanningini, sum skal gerast fyri at finna orsøkina til óhappið fríggjanáttina.

Eingin umbøn er um sjófrágreiðing. 

Statfjord A er framleiðslupalur, men eingin framleiðsla var, tá óhappið hendi. 

 
Nýggjastu sendingar í ÚV
Leygardag 17. august
Úr Fámjin til Trongisvágs (2:3)
97730
Fríggjadag 16. august
"Kveik Ung" verkstova
97734
Fríggjadag 16. august
Minibarrin 16. august
97723
Nýggjastu sendingar í SV
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257
Mikudag 7. august
Úr savninum: Frætt & fregnað (5:11)
16490