Kynsmismunur í lýsingum bannaður í Bretlandi

Í Bretlandi hava tey nú sett bann fyri lýsingum, sum fatast sum kynsdrikriminerandi, skrivar BBC. 

Sum dømi kann nevnast, at um ein maður liggur í sofuni og slappar av, meðan konan vaskar, so er tað umfatað av bretska banninum.

Ein grundgeving er, at tílíkar lýsingar kunnu avmarka børn og ung seinni í lívinum og kann leggja lunnar undir meira mismuni millum kynini í framtíðini.

Tað er eitt langt kanningararbeiði hjá bretsla lýsingamyndugleikanum ASA, sum er orsøkin til bannið.

Hesin myndugleikin ger nøkur minimumskrøv til bretskar lýsarar. Sum skilst hava lýsingastovurnar ikki mótmælt banninum, sum hevur verið á veg í longri tíð.