Støðan í Sudan er versnað síðani Bashir fór frá

15.06.2019 - 15:41
AktueltÚtheimurin
Støðan í Sudan er versnað síðani Bashir fór frá
Hernaðarliga stýrið í Sudan, sum tók yvir eftir einaræðisharran Bashir, hevur dripið fólk, neyðtikið fólk og framt yvirgang í høvuðsstaðnum
 

Í Sudan hava mótmælisgongur verið síðani desember mánað í fjør.

Fólk mótmæltu, tí tey vóru ónøgd við matvøruprísir o.a., men mótmælini vuksu í styrki og fóru at snúgva seg um einaræðisharran í Sudan, Omar al-Bashir, sum hevði sitið við valdið síðani 1989.

Hava fram fólkadráp
Tað verður mett, at stýrið hjá Bashir hevur dripið fleiri enn 15.000 fólk í landspartinum Darfur í Sudan í 2003-2004, brúkt evnafrøðilig vápn og neyðtikið kvinnur. Milliónir av fólki máttu tá flýggja. Tað skrivar the Economist. 

Tá Bashir bleiv koyrdur frá sum einaræðisharri í Sudan í apríl mánaði vóru fólk glað og hátíðarhildu í gøtunum. 

Gleðin var tó stokkut, tí ein hernaðarbólkur tók yvir eftir Bashir, og teir hava ongar ætlanir um at hava fólkaræði í Sudan.

Hava dripið minst 100 fólk
Friðarlig mótmæli hava tískil tikið seg upp aftur, og 3. juni drap hálvhernaðarligi bólkurin RSF minst 100 mótmælisfólk, og fleiri vórðu særd. 19 av teimum 100 vóru børn.

Tey flestu vórðu skotin, men summi vórðu tveitt livandi av brúgvum. Síðani tá hevur RSF framt yvirgang í høvuðsstaðnum.

RSF-hernaðarmenn stjala og oyðileggja handlar, ræða íbúgvarnar og neyðtaka bæði menn og kvinnur. Internetsambandið er sløkt, og fleiri hundrað fólk eru handtikin. 
 

 

Sí eisini

Nýggjastu sendingar í ÚV
Fríggjadag 19. juli
Summartímin hósdagin 18. juli
96921
Hósdag 18. juli
Í fótafari Paulusar - 8. partur
96449
Hósdag 18. juli
Lívsleiðsskiftið (3:8)
96404
Hósdag 18. juli
Minibarrin 18. juli 2019
96869
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747