Ein gáva til skotsku loysingarrørsluna

Boris Johnson er ein gáva til skotsku loysingarrørsluna. Grundirnar eru fleiri; Boris Johnson er ríkur, frá suðurøkinum, háborðin, vil úr ES og hevur ein feril av enskari nationalismu yvir sær.

Stutt sagt, er Boris Johnson alt tað, sum leiðarin, hjá Skotska konservativa sambandsflokkinum, Ruth Davidson ikki er. Tað sigur Andy Maciver, fyrrverandi spunasmiður hjá skotska Konservativa flokkinum.

Konservativi flokkurin um at fara í tvíningar

Andy Maciver metir, at konservativi flokkurin er við at fara í tvíningar, nú umstríddi Boris Johnson er vorðin forsetisráðharri í Bretlandi.

Hetta er ein gáva til Nicola Sturgeon, leiðara í skotska loysingarflokkinum, SNP, sum ynskir eina nýggja fólkaatkvøðu áðrenn 2021 um loysing, nú Bretland er á veg út út ES - uttan avtalu. 

Nicola Sturgeon hevur gjørt nýggja bretska forsætisráðharran varugan við, at um Bretland fer úr ES uttan eina avtalu, so hvørva 100.000 størv í Skotlandi. Tí eigur Skotland at fáa ein alternativan møguleika. Og nú er líkt til, at tað ridlar undir samhaldsrørsluni.