Ódnin Dorian: Minst 30 fólk deyð

Ódnin Dorian hevur kravt í minsta lagi 30 mannalív í Bahamaoyggjunum. Tað upplýsir forsætisráðharrin, Hubert Minnis.

Men myndugleikarnir stúra fyri, at uppaftur fleiri eru deyð. Ódnin er linkað, og er nú á fyrsta stigi á ódnarstiganum.

Tá hon tók land í Bahamaoyggjunum var hon á fimta stigi, og tá var vindferðin meira enn 80 metrar um sekundið. Dorian er ringasta ódn, sum hevur rakt Bahamaoyggjar.

Ódnin er nú yvir amerikansku strondini, men hóast hon er linkað, er nógv avfall í ódnini, sum kunnu elva til stóra vatnflóð. Nógv fólk eru flutt burtur undan Dorian.