Nú er skrokkurin aftur á veg til Føroya

Skrokkurin til nýggja havrannsóknarskipið verður seinnapartin í dag við Fair Isle, sum er millum Orknoyggjarnar og Hetland.

Skrokkurin verður, um viðrar, í Nólsoyarfirði fyrrapartin sunnudagin. Hann verður sleipaður á Skála.

Ein danskur sleipibátur togar skrokkin til Føroya úr Litava, har hann er bygdur.

Sleipingin byrjaði fyri tíggju døgum síðani.

Andøvdi í nakrar dagar

Men sleipibáturin lá nakrar dagar og andøvdi í Ålbækvíkini, sunnan fyri Skagen.

Ringa veðrið, sum var í Føroyum seinasta vikuskiftið, var eisini í Danmark.

Sleipingin helt so fram mikukvøldið.

Havrannsóknarskipið verður gjørt liðugt á skipasmiðjuni hjá Mest á Skála.

Tað skal eftir ætlan verða liðugt og latast landsstýrinum næsta summar.