Vilja hava atkvøðugreiðslu um hoyringar

Umboðsmannatingið skal atkvøða, um skipast skal fyri almennum hoyringum í málinum. Næsta stigið kann verða ein almenn kanning.

Tástani kann eitt ríkisrættarmál byrja.  Skal Trump koyrast frá sum forseti, krevst, at tveir triðingar av limunum í senatinum atkvøða fyri tí.

Orsøkin til, at demokratarnir vilja hava ríkisrættarmál reist móti forsetanum, er ein samrøða, sum hann hevði við ukrainska forsetan fyrr í ár.

Trump verður lagdur undir at hava lagt trýst í ukrainska forsetan um at kanna eitt mál um mutur í sambandi við, at Joe Biden var varaforseti í USA, og sonur hansara, Hunter Biden, arbeiddi fyri eitt ukrainskt orkusamtak.