Sálarsjúkur maður koyrdi inn í mannamúgvu

Tað var eftir øllum at døma ein 29 ára gamal sálarsjúkur týskur maður, sum í gjár koyrdi inn í eina mannamúgvu ið helt føstulávintshald í týska býnum, Volkmarsen. 52 fólk fingu skaða, 18 av teimum vóru børn, skrivar Berlingske.

Eygnavitni siga, at maðurin koyrdi á fólkini við vilja.

Hann hevði frammanundan sagt við grannarnar, at hann fór at koma í týsku miðlarnar. Hann liggur á sjúkrahúsi við skaða í høvdinum, og løgreglan hevur ikki avhoyrt hann enn, skrivar Bild.

Álop

Týska løgreglan sigur, at talan var um eitt álop, men at politikkur ikki var orsøkin, og tí verður málið kannað sum eitt drápsmál, og ikki sum yvirgangur.

Løgreglan hevur fyrr havt eyguni við manninum fyri eitt innbrot.

Tá hann er komin fyri seg aftur, verður hann ákærdur fyri tað, sum hann gjørdi, upplýsir løgreglan fyri Bild.