Skulu hava betri umstøður í varðhaldi og fongsli

Skulu hava betri umstøður í varðhaldi og fongsli
Rættarnevndin hevur útbygt eitt uppskot til samtyktar um Arrestina í Mjørkadali
Arrestin í Mjørkadali er bæði varðhald og fongsul, hóast varðhald og fongsul eru hvørt sítt
 
04.06.2020 - 09:54

Løgtingið fer í dag at biðja landsstýrið síggja til, at tey, sum verða dømd at vera í varðhaldi ella í fongsli, skulu hava tað betri, meðan tey sita, og aftaná. 

Rættarnevndin hevur útbygt eitt uppskot til samtyktar frá Rósu Samuelsen og Djóna Nolsøe Joensen um Arrestina í Mjørkadali.

Tey vildu hava, at umstøðurnar har vera sum í danska fongsulsverkinum annars.

Løgtingið hevur sett tey bæði at hava eftirlit við varðhaldsfangum.

Broytingaruppskot

Men Rættarnevndin er komin við einum broytingaruppskoti, sum eisini umfatar eitt sokallað útslúsingartilboð í sambandi við leyslating og nýtt fongsul í Føroyum.

Talan er tó framvegis bara um eitt uppskot til samtyktar, um eina áheitan á landsstýrið.

Rættarnevndin sigur, at Arrestin í Mjørkadali er bæði varðhald og fongsul, hóast varðhald og fongsul eru hvørt sítt. 

Men tey, sum verða dømd at sita í meira enn eitt ár, verða send til Danmarkar. Hetta kann kennast sum ein eyka revsing, sigur Rættarnevndin.

Nevndin hevur fingið at vita frá Amnesty International, at varðhaldsfangar í Føroyum verða oftari avbyrgdir enn fangar í øðrum londum, tí so trongligt er í Arrestini í Mjørkadali. 

Og í Danmark vita tey um Arrestina í Mjørkadali. 

Nick Hækkerup tekur undir

Tí Nick Hækkerup, løgmálaráðharri, svarar Bárði á Steig Nielsen, løgmanni, at hann fer at venda sær til Kriminalforsorgina um Mjørkadal. 

Og hann tekur undir við uppskotinum hjá løgmanni um, at føroysk og donsk embætisfólk viðgera fongsulsviðurskiftini í Føroyum.

Atkvøtt verður um broytingaruppskotið hjá Rættarnevndina á tingfundinum í dag.

Tingfundurin í dag er kl.11.00.
 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584