Jóanes Erik stjóri í grønlendska heilsuverkinum

Fyrrverandi stjórin í Sjúkrahúsverki Føroya, Jóannes Erik Køtlum, skal nú vera stjóri í grønlendska heilsuverkinum.

Tað skrivar grønlendski miðilin, Sermitsiaq, í dag.

Jóannes Erik Køtlum hevur fyrr sitið í leiðsluni fyri heilsuverkið í Grønlandi, Tað var frá 2013 til 2016. Tá var starvsheitið "styrelseschef." Nú er starvsheitið stjóri.

Forstjóri í Føroyum

Jóannes Erik Køtlum var settur sum forstjóri í Sjúkrahúsverki Føroya í januar 2018, men hann segði seg úr starvinum longu í mars árið eftir.

Grønlendska heilsustýrið sigur sambært Sermitsiaq, at Jóannes Erik Køtlum skal stýra grønlendska heilsuverkið gjøgnum koronukreppuna og menna tænastur, har sjúklingurin er fremstur í huga.