Fimm nýggir koronutilburðir

bannari
13.09.2020 - 13:02
AktueltHeilsa
Fimm nýggir koronutilburðir
Mynd: © Bjarni Árting Rubeksen  
 

Fimm nýggir koronutilburðir vórðu staðfestir í gjár. Tað vísa nýggjastu tølini hjá Landslæknanum. 

Talan er um fimm persónar, sum eru smittaðir í Føroyum. Seinastu tilburðirnar, eru annars í størstan mun funnir á flogvøllinum frá ferðafólki, sum eru komin til Føroya.

Allir hesir fimm persónarnir eru partur av einari smittuketu, sum Landslæknin sigur seg kenna til. 

Teir fimm persónarnir eru avbyrgdir, og Landslæknin er í gongd við neyðugu smittusporingina.

Lars Fodgaard Møller, landslækni, sigur í dag, at tveir av teimum fimm smittaðu sótu í sóttarhaldi og hinir tríggir vórðu mettir at verða útsettir, tí teir vórðu partur av eini smittuketu, har korona kundi vera í.

Tí metir hann ikki, at sjúkan fer at breiða seg skjótt aftur, men at tamarhald framvegis er á smittuketunum í Føroyum.

Tilsamans hava 423 persónar fingið staðfest smittuna í Føroyum. Í alt eru 410 persónar staðfestir frískir aftur, og sostatt eru 13 persónar smittaðir í løtuni.

Ein persónur er í løtuni innlagdur á Sjúkrahúsverki Føroya í samband við coronasmittuna.

Tilsaman eru nú 108.270 korona kanningar gjørdar í Føroyum.

 
Nýggjastu sendingar í ÚV
Leygardag 26. september
Brunsj við Hans Esbern Heinesen
113992
Leygardag 26. september
Jambalaja 260920
113988
Leygardag 26. september
Morgunlestur leygardagur 26. september 2020
113640
Fríggjadag 25. september
Nón 25. september 2020
113961
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746