Verkfallið hert í dag

Klokkan trý seinnapartin fara sjúkrarøktararnir at herða verkfallið. Tá fara sjúkrarøktarfrøðingar á B8-songjardeildini á Landssjúkrahúsinum eisini í verkfall.

Undantikin vóru í fyrsta umfari deildarleiðari, varaleiðari og ambulant virksemi.

Í gjár søgdu bæði Jan Mortensen, leiðari á Lønardeildini, og Óluva í Gong, forkvinna í felagnum hjá sjúkrarøktarfrøðingunum, at onki samband hevði verið millum partarnar, og tí eru ongar samráðingar fyri framman, sum støðan var í løtuni.