Sjúklingar betri rættartrygd og viðgerðartrygd

Danska ”sundhedsloven”, sum kom í gildi í Føroyum í 2018, skal longu broytast.

Talan er um broytingar, sum eru gjørdar í Danmark.

Broytingarnar skulu betra rættartrygdina hjá sjúklingum og viðgerðartrygdina.

Í lógarbroytingunum eru níggju ásetingar, millum annað um sjálvsavgerðarrætt um lívfrøðiligt tilfar og genetiskar upplýsingar.
 
Tvær aðrar danskar heilsulógir skulu eisini dagførast, autorisatiónslógin og komitélógin. Tær komu báðar í gildi í Føroyum í 2013.

Komitélógin er um heilsuvísindaligar granskingarverkætlanir.

Hoyringarfreistin er til 11.januar.