Heimaflotin skal rinda veiðigjald fyri makrel

Makrelkvotur, sum verður latnar heimaflotanum, eiga eisini at rinda veiðigjald.

Tað heldur Aksel V. Johannesen, formaður í Javnaðarflokkinum.

Tí hóast sagt verður, at lítil ella eingin tilfeingisrenta er at heinta hjá heimaflotanum, so eru í størstan mun nótaskipini, sum fiska makrelkvoturnar hjá heimaflotanum, sigur hann. 

20.000 tons í fjør

Heimaflotin hevur síðstu árini fingið burturav føroysku makrelkvotuni.

Í fjør fekk heimaflotin útlutað sløk 20.000 tons av makrelkvotu. Men sambært lógaruppskotinum um veiðigjøld, sum landsstýrismaðurin í fíggjarmálum hevur sent til hoyringar, skal veiðigjald ikki rindast av makrelkvotum til heimaflotan. 

Við einum miðal avreiðingarprísi upp á 8,20 kr/kilo, hevði tað givið umleið 33 milliónir í veiðigjaldsinntøku til landskassan.