Koltvísúrni umskapað til súrevni á Mars

Hetta er fyrstu ferð, at eitt tól hevur gjørt súrevni á eini aðrari gongustjørnu.

Tólið stendur á rúmdarbilinum Perseverance og er á støtt við ein breyðsnerkjara. Við at súgva koltvísúrni úr tunna lofthavinum á Mars, umskapar tólið koltvísúrni til súrevni. 

Hetta er týdingarmikið, tí royndin vísir, at tað ber til at framleiða súrevni á eini aðrari gongustjørnu. Umframt at menniskja hevur brúk fyri súrevni til at anda, so ber eisini til at gera brennievni til rúmdarrakettirnar úr súrevni. 

Tólið, Mars Oxygen In-Situ Resource Utilization Experiment (MOXIE), er ein tøknisýninsroynd, ið kann økjast í stødd, so tólið einaferð í framtíðini kann framleiða súrevni og brennievni til mannaðar rúmdarferðir til Mars. 

Kelda og mynd: Nasa.gov