Vónin 53 mió. kr. í avlopi

Samtakið Vónin hevði 53,4 mió. kr. í avlopi í fjør.

Tað er ein hálv millión meira enn í 2019.

Vónin seldi fyri góðar 511 milliónir krónur í fjør. Í 2019 var sølan góðar 522 milliónir. Okkurt um tveir triðingar er selt uttan fyri Føroyar. 

Virksemi í fleiri londum

Vónin-samtakið er í Føroyum, Grønlandi, Kanada, Íslandi, Danmark, Noregi og Litava. 

Í Føroyum hevur Vónin tríggjar deildir. 

Ein deild er við Norðskála til alivinnuna, ein deild er í Fuglafirði til uppsjóvarvinnuna, og ein deild er í Havn, sum ger botnfiskatrol og rækjutrol.

450 fólk arbeiða hjá samtakinum, teirra millum 100 í Føroyum.