RUV og Morgunblaðið: Gylfi er undir illgruna fyri ágang móti børnum

BBC og aðrir bretskir miðlar skriva í dag um, at ein kendur, 31 ára gamal fótbóltsspælari, sum spælir í Premier League, er handtikin og undir illgruna fyri ágang móti børnum. 

Tað var løgreglan í Greater Manchester, sum handtók mannin fríggjadagin. 

Størstu íslendsku miðlarnir, RUV og Morgunblaðið, nevna nú liðskiparan á íslendska landsliðnum og í enska felagnum Everton, Gylfi Sigurðsson, sum leikarin, ið varð handtikin fríggjadagin, men síðani er leyslatin móti veðhaldi. 

Sambært enskum miðlum, so hevur Everton leikbannað Gylfa Sigurðsson, og felagið sigur eisini, at tað fer at samstarva við løgregluna í kanningararbeiðinum.