Skúlin við Løgmannabreyt raktur av korona

bannari
05.09.2021 - 14:37
AktueltHeilsa
Skúlin við Løgmannabreyt raktur av korona
Nú hava seks næmingar í 9. flokki og ein næmingur í 8. flokki fingið staðfest korona. Eitt starvsfólk í frítíðarskúlanum hevur eisini fingið staðfest korona.
 

Skúlin við Løgmannabreyt er raktur av korona í hesum døgum. Klokkan 13.30 í dag skrivaði skúlin á heimasíðuni, at nú eru seks næmingar í 9. flokki og ein næmingur í 8. flokki, sum hava fingið staðfest korona. 

Í gjár visti skúlin at siga á heimasíðuni, at ein næmingur hevði fingið staðfest koronu. Skúlin heitti tí í gjár á allar næmingar, øll foreldur og onnur avvarðandi, um at vera serliga varin komandi vikuna. 

Viðkomandi 9. floksnæmingur, ið fekk staðfest korona í gjár, hevur ikki verið í skúla síðani týsdagin 31. august. 

Umframt 9. floksnæmingin segði Skúlin við Løgmannabreyt eisini frá í gjár, at eitt starvsfólk í frítíðarskúlanum hevur fingið staðfest korona, men helst er einki samband millum hesar tilburðir. Her hava foreldur fingið boð frá frítíðarskúlanum um, at øll børn í 1.,2. og 3. flokki skulu lata seg kanna sum skjótast.

Í dag er so støðan versnað aftur á skúlanum, nú 7 næmingar í 8. og 9. hava fingið staðfest korona.

 
Høgni Joensen, skúlastjóri sigur í boðum til Kringvarpið, at tølini eru ikki endalig enn, og tí fær skúlin einki sagt um støðuna júst nú. 
Hann sigur, at skúlin og koronavegleiðingin skifta í løtuni orð um, hvussu tey skulu handfara íkomnu støðuna. 

Skúlin sigur á heimasíðuni, at um næmingur hevur sjúkueyðkenni, eisini mild sjúkueyðkenni, verður hon/hann biðin um at vera heima og lata seg kanna.

Er kopiera
Nýggjastu sendingar í ÚV
Mikudag 20. oktober
LEITISSTEIN 19.10.2021
130164
Mikudag 20. oktober
Nón 20. oktober 2021
130160
Mikudag 20. oktober
Góðan morgun Føroyar 20.10.2021
130137
Týsdag 19. oktober
Óhoyrt - Rapplegendur og slóðbrótarar
130115
Nýggjastu sendingar í SV
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065