Føroyingar skulu reka radaran, men ikki gjalda

Føroyingar skulu reka radaran, men ikki gjalda
Javnaðarflokkurin á fólkatingi hevur spurt, hvat føroyingar halda um ætlanina at seta radara upp á Sornfelli
Kanningin hjá Javnaðarflokkinum á fólkatingi vísir, at 53 prosent av teimum spurdu eru ímóti, at Føroyar gjalda fyri at reka hann.
Mynd: Pól Sundskarð  
 
22.09.2021 - 15:01

Kanningin hjá Javnaðarflokkinum á fólkatingi vísir, at ein greiður meiriluti av føroyingum tekur undir við, at ein nýggjur lofteftirlitsradari verður settur upp í Føroyum.

Kanningin vísir, at meirilutin, 58 prosent, av teimum spurdu halda, at tað hevur stóran ella sera stóran týdning, at tað eru føroyskir myndugleikar heldur enn danskir, sum reka hann.

Kanningin vísir eisini, at tað bert er fjórði hvør, sum tekur undir við, at føroyingar sjálvir gjalda fyri at seta radaran upp og reka hann. 53 prosent eru ímóti, at Føroyar sjálvar gjalda.

Meirilutin vil sostatt, at føroyskir myndugleikar sjálvir skulu reka radaran. Men ein meiriluti er samstundis ímóti at gjalda. 

Fleiri svara ja nú

Í fjør spurdi Javnaðarflokkurin á fólkatingi 500 fólk, um tey hildu, “at Føroyar skulu geva NATO ella USA loyvi at seta hernaðarligar radarar upp í Føroyum?” Tá svaraðu umleið 33 prosent ja.

Í februar í ár varð so aftur spurt “Skulu vit geva loyvi til, at ein hernaðarligur radari verður settur upp í Føroyum?”, og tá svaraðu 57 prosent ja.

Í teimum flestu av hesum spurningunum er tað fimti hvør, sum sigur seg ikki vita. 

Óvissan í kanningini er upp til góð 3,5 prosent.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858