Landsstýrið herðir tilmæli um koronutiltøk

Landsstýrið herðir tilmæli um koronutiltøk
Í mesta lagi 50 fólk kunnu savnast til tiltøk, og náttarlívið eigur at lata aftur, tó ikki matstovur
Bárður á Steig Nielsen, løgmaður.
 
03.11.2021 - 11:02

Landsstýrið setur nú avmarkingar í verk til tess at tálma smittutrýstinum.

Tað boðar løgmansskrivstovan frá. 

Tilmælini frá landsstýrinum byggja á niðurstøður hjá Farsóttarnevndini, og tiltøkini eru hesi:

  • Øll tiltøk, har 50 fólk ella fleiri savnast, eiga at verða útsett.
  • Ítróttardystir kunnu avgreiðast, men hetta eigur at vera uttan áskoðarar.
  • Skúlar og dagstovnar, har smittan ger um seg, eiga at lata aftur. Ráðgevandi nevndin innan skúla- og dagstovnaøkið tekur saman við Landslæknanum støðu í hvørjum einstøkum føri.
  • Frítíðarvirksemi hjá børnum og ungum eigur at steðga, har smittan ger um seg.
  • Náttarlívið eigur at lata aftur. Hetta er tó ikki galdandi fyri matstovur.
  • Øll eiga framvegis at kanna seg annan dagin eftir komu.
  • Koronalinjan letur upp aftur í morgin.
  • Hildið verður fram við at kanna og smittuspora.

Tilmælini eru galdandi í tíggju dagar, frá í dag til og  fríggjadagin tann 12. november.

Sí tíðindaskrivið frá løgmansskrivstovuni her.

Samrøða verður við Bárð á Steig Nielsen, løgmann, í útvarpstíðindunum klokkan 12.20.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584