NSÍ-kvinnurnar steypavinnarar fyri fyrstu ferð

13.11.2021 - 19:16
ÍtrótturFótbóltur
NSÍ-kvinnurnar steypavinnarar fyri fyrstu ferð
Kvinnurnar hjá NSÍ vunnu ein sannførandi 4-2 sigur á HB
Einki er sum fyrstu ferð, og tað kunnu kvinnurnar hjá NSÍ nú skriva undir uppá. Tær gjørdust í dag steypavinnarar fyri fyrstu ferð
Mynd: Brian Enghamar, FSF.fo  
 

Einki er sum fyrstu ferð, kallast ein kendur sangur innan av eystaraarmi á Skálafjørðin, og júst ta kensluna upplivdu kvinnurnar hjá NSÍ í kvøld, tá tær vunnu steypakappingina í fótbólti fyri fyrstu ferð. 

Dysturin, sum varð spældur á Tórsvølli, endaði við einum 4-2 sigri til NSÍ. 

Tvey mál komu í fyrra hálvleiki, og tað fyrra skoraði liðskiparin hjá NSÍ, Ansy Sevdal Jakobsen, í 12. minutti. 

Ansy bleiv eisini kosin dagsins leikari í dystinum. 

Seinna málið í fyrra hálvleiki skoraði Laila Pætursdóttir. 

 

HB kempaði

HB fall tó ikki í fátt, og Ása Stórá Carlsen, ið varð innskift frá byrjan í seinna hálvleik, gjørdi beinavegin vart við seg, tá hon skoraði til 2-1. NSÍ-málverjin megnaði at halda einum innleggi, og so var Ása kvik at gera sær dælt av feilinum. 

Men NSÍ eigur besta kvinnuliga fótbóltsleikara í landinum, og hon eitur Heidi Sevdal. Bert tíggju minuttir eftir, at HB hevði minkað um munin, sló Heidi Sevdal til og skoraði sítt mál nummar 40 hetta kappingarárið. 

HB stríddist fyri at fáa minkað um munin aftur, men NSÍ vardi væl fyri, og tá tíggju minuttir restaðu av dystinum tók Heidi Sevdal sakina í egnar føtur og skoraði til 4-1. 

Elin Maria Isaksen fekk tó minkað um munin til 4-2, men tað broytti ikki upp á ta sannroynd, at NSÍ-kvinnunar skrivaðu søgu, tá tær vunnu steypið til felagið fyri fyrstu ferð.

 

NSÍ - HB 4-2 (2-0)
12' Ansy Jakobsen 1-0
22' Laila Pætursdóttir 2-0
47' Ása Stóra Carlsen 2-1
50' Heidi Sevdal 3-1
80' Heidi Sevdal 4-1
82' Elin Maria Isaksen 4-2

Er kopiera
Nýggjastu sendingar í ÚV
Fríggjadag 21. januar
Nón 21. februar
134420
Fríggjadag 21. januar
Góðan morgun Føroyar 21.01.2022
134393
Fríggjadag 21. januar
Morgunlestur fríggjadagur 21.januar 2022
133933
Hósdag 20. januar
RagnarRokk 20. januar 2022
133821
Hósdag 20. januar
RagnarRokk: Gary Shea um V
133820
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883