Kommunurnar í Vágum: Kannið tykkum hjá tykkum sjálvum

Seinastu vikuna hava kommunurnar í Vágum, í samstarvi við Sjúkrahúsverkið, skipað fyri møguleikanum at lata seg kanna fyri koronu í Vágum.

Fólk hava tikið væl undir við tí, tí umleið 400 fólk hava latið seg kannað tær tríggjar ferðirnar, møguleikin hevur verið til staðar.

Hetta fegnast tey í Vágum um, sigur Vága kommuna í tíðindaskrivi.

Vilja ikki gjalda fyri onnur

Men meir enn triðihvør, sum verður kannaður, kemur aðrastaðni frá í landinum enn úr Vágum.

Hetta halda kommunurnar í Vágum vera óheppið, tá ið tað eru tær, sum standa við fíggjarligu ábyrgdini av kanningunum, skrivar Vága kommuna.

Tí heita kommunurnar á avoyggjafólk um at leita sær aðra kanningarstøð ella at heita á sína egna kommunu um at taka lut í útreiðslunum, sum kommunurnar í Vágum hava av kanningarstøðini.

"Tá skulu tey vera meira enn vælkomin vestur," sigur Bjarni Prior, borgarstjóri í Vága kommunu.

Kannað verður aftur leygdardagin, og bíleggingarskipanin letur upp í morgun.