Magdalena Andersson var svenskur forsætismálaráðharri í sjey tímar

Svenski forsætisráðharrin, Magdalena Andersson, hevur longu boðað frá, at hon leggur frá sær.  

Tað gjørdi Magdalena Andersson á einum tíðindafundi bert sjey tímar eftir, at svenski ríkisdagurin hevði valt hana til forsætisráðharra. 

Hetta hendir eftir at Umhvørvisflokkurin hevur tikið seg úr stjórnini hjá Magdalenu Andersson.

SVT skrivar á heimasíðuni, at Magdalena Andersson hevur samstundis boðað formanninum í svenska ríkisdegnum, Anderas Norlén, frá, at hon er sinnað at leiða eina sosialdemokratiska einflokka-stjórn.