Skipan við fótfjøtri ikki búgvin at seta í verk

03.12.2021 - 08:37
AktueltPolitikkur
Skipan við fótfjøtri ikki búgvin at seta í verk
Við einum talgildum fótfjøtri ber til at hava eftirlit við teimum, sum eru dømd at sita, hóast tey sita heima við hús
Skipanin við fótfjøtri hevur verið í Danmark síðani 2005, men hon er ikki búgvin at seta í verk í Føroyum enn, heldur danska Løgmálaráðið.
 

Ein skipan við fótfjøtri, fótleinkju, skal ikki takast við, nú lógin um revsifullgerð skal dagsførast í Føroyum.

Tað heldur danska Løgmálaráðið, sum hevur skrivað upprit um fótfjøtur í Føroyum.

Við einum talgildum fótfjøtri ber til at hava eftirlit við teimum, sum eru dømd at sita, hóast tey sita heima við hús.

Skipanin kom í Danmark í 2005. Hon er síðani tá víðkað nógvar ferðir.

Men hon er ikki búgvin enn til at seta í verk í Føroyum, heldur Løgmálaráðið.

Endamálið við skipanina er millum annað at útvega fleiri pláss í fongslunum og lætta trýstið á stovnarnar hjá Kriminalforsorgini.

 

Ber til tøkniliga

Ein kanning, sum Kriminalforsorgin hevur gjørt, sigur, at tøkniliga kann fótfjøtur brúkast í flestu oyggjum í Føroyum.

Kanningin viðger tó bara tøkniliga partin.

Løgmálaráðið má greiða millum annað, um Kriminalforsorgin úr Danmark kann hava eftirlit við fótfjøtrum í Føroyum uttan at bróta dátuverndarlógina.

Kannast skal eisini, um veðrið í Føroyum forðar fyri, at til ber at fara til teirra, sum hava fótfjøtur, um brúk er fyri tí.

Og so kostar ein slík skipan meira enn hon fer at spara Kriminalforsorgini.

 

Ikki takast við nú

Samanumtikið heldur Løgmálaráðið ikki, at fótfjøtursskipanin skal takast við í hesum umfarinum, nú lógin um revsifullgerð í Føroyum verður dagførd.

Og Løgmálaráðið heldur eisini, at ein almenn hoyring skal vera um eina slíka skipan, áðrenn hon verður viðgjørd í løgtinginum.

Løgmálaráðið fer skjótast gjørligt at kanna ivamálini. 

Tá tann kanningin er liðug, verður gjørt eitt lógaruppskot um fótfjøtursskipan í Føroyum. Treytin er tó, at fígging fæst til skipanina.

Løgmálaráðið ger eisini vart við, at ráari kann gerast í Varðhaldinum í Mjørkadali, tí tey, sum sita stutt og hava góð persónlig viðurskifti, eru heima við fótfjøtri.

Hetta hendi á Bornholm. 

Og tað kann eisini henda, at so fá vera í Mjørkadali, at tey, sum eru har, missa møguleikan fyri felagsskapi og í tí veruleikanum gerast avbyrgd. 

Er kopiera

Sí eisini

Nýggjastu sendingar í ÚV
Leygardag 24. februar
Jambalaja 240224
171180
Leygardag 24. februar
Vikan 24. februar 2024
171176
Fríggjadag 23. februar
Vikuskiftið 23 februar 2024
171157
Nýggjastu sendingar í SV
Fríggjadag 23. februar
Veðrið
171154
Hósdag 22. februar
Heim, kæra heim (3:3)
171039
Mikudag 21. februar
Salka Valka kring knøttin (5:6)
50680
Mikudag 21. februar
Salka Valka kring knøttin (6:6)
51045
Mikudag 21. februar
Eg eri tvørkynd/ur
170916