Formaðurin: Fólkaflokkurin kann ikki liva við, at tingfólk ikki halda orð

Opið stríð tykist vera í Fólkaflokkurin millum konservativa og liberala veingirnar í flokkinum. 

Hetta kom fram, tá málini um sammøður blivu samtykt í dag. 

Jacob Vestergaard og Elsebeth Mercedis Gunnleygsdóttir søgdu landsstýrissessirnar frá sær, fyri at fara í løgtingið og seta Anniku Olsen upp á pláss. 

Úrslitið bleiv, at Heðin Zachariasen, eisini úr Fólkaflokkinum, setti tey upp á pláss, tá hann fór í farloyvi og lat Anniku Olsen sín sess, so hon kundi atkvøða málini um sammøður ígjøgnum við 3. viðgerð. 

Jørgen Niclasen viðgongur, at flokkurin er merktur av støðuni, og at floksleiðslan nú fer at umrøða støðuna. 

"Fólkaflokkurin er kendur fyri at halda orð, og tí ber tað ikki til, at vit hava tingfólk, sum atkvøða ímóti tí, sum flokkurin hevur játtað seg til," sigur Jørgen Niclasen, og vísir til ta sannroyd, at Annika Olsen atkvøddi við andstøðuni. 

Jørgen Niclasen vil tó ikki siga, um Annika Olsen verður blakað úr flokkinum. 

HOYR SAMRØÐUNA, SUM TRÓNDUR OLSEN GJØRDI VIÐ JØRGEN NICLASEN.