Dátueftirlitið: 1. januar skal dátuviðgerð liva upp til dátuverndarlógina

Dátuverndarlógin, sum kom 1.januar í ár, ásetir nágreiniligari krøv til dátuviðgerðaravtalur.

Dátuábyrgdari og dátuviðgeri skulu tryggja sær, at allar dátuviðgerðaravtalur lúka krøvini í dátuverndarlógini í seinasta lagi 1.januar 2022.

Eins og í persónsupplýsingalógini skal avtalan millum dátuábyrgdara og dátuviðgera áseta, at dátuviðgerin bara ger eftir boðum frá dátuábyrgdaranum. 

Eisini eru tey loyvi, sum Dátueftirlitið hevði givið sambært persónsupplýsingalógini, galdandi til nýggjárs.

1. januar er deadline

Fyri 1.januar skulu dátuábyrgdarar tí tryggja sær, at øll viðgerð av persónsupplýsingum er í samsvari við dátuverndarlógina, skal viðgerðin lógliga halda fram.

Dátuverndarlógin leggur áherðsla á gjøgnumskygni.

Tað ger, at skrásett skulu hava størri ræði á egnum persónsupplýsingum og vita, hvat tær verða nýttar til. 

Kunning um viðgerð av persónsupplýsingum skal vera løtt at koma fram á og løtt at skilja.