H71 vann við einum máli

09.01.2022 - 19:15
ÍtrótturHondbóltur
H71 vann við einum máli
Hondbóltskvinnurnar í Hoyvík framdu eitt megnar avrik, tá tær, á útivølli, vunnu 39-38 á serbiska liðnum, ZRK Naisa Nis
 

H71-kvinnurnar hava givið sær sjálvum eitt framúrskarandi útgangsstøði til at spæla seg víðari í Europa Cup-kappingini í hondbólti, tá tær í kvøld vunnu 39-38 á ZRK Naisa Nis. 

Seinni dysturin verður spældur í Føroyum næsta vikuskiftið. 

Hoyvíkskvinnurnar vóru flúgvandi í fyrra hálvleiki og førdu við fýra málum, tá farið var til hálvleiks. 

Maria Halsdóttir Weyhe og Jana Mittún vóru stórspælandi, og gjørdist Maria toppskjútti í dystinum við heili 15 málum. 

 

Jana mansvard

Leiðslan helt sær rættiliga leingi í seinna hálvleiki. H71 helt fast um kvika spælið, og tað tóktist rigga. 

Men, sum hálveikurin leið, so byrjaði serbiska liðið, væl stuðlað av heimaáskoðarunum, at eta seg inn á H71. 

Stórtalentið, Jana Mittún, bleiv í løtum mansvard, og kanska byrjaðu nervarnir at spæla ungu leikarunum eitt puss. 

 

Tvørtræið fyri

Tá ein minuttur var eftir, var støðan 39-38 til H71, men ZRK Naisa Nis hevði bóltin. Verjurnar høvdu ikki staðið seg væl í dystinum, so tað var líkt til, at dysturin fór at enda við javnleiki. 

Men dundurskotið frá Sanja Stamenkovic fór á tvørtræið, og tá bólturin støkk út aftur í spæl, vóru H71-kvinnurnar fyrsta á honum. 

Harvið hevur H71 givið sær sjálvum eitt sera gott útgangsstøði til dystin á heimavølli næsta vikuskiftið. 

 

 

 

Er kopiera

Sí eisini

04.03.22
136461
Nýggjastu sendingar í ÚV
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646