Landslæknin: Nú veksur smittan ikki nógv aftrat

Aftur í dag vera smittutølini fyri koronu stór, men ikki so stór, sum í gjár.

Tað sigur Lars Fodgaard Møller, landslækni:

Í gjár vóru 913 smittutilburðir staðfestir, sum er tað mesta eftir einum degi higartil.

- Metið verður helst tikið í næstum, men veksur neyvan nógv aftrat, sigur landslæknin: 

Nógva smittan, eisini millum tey kannaðu, merkir, at skuggatølini helst eru stór í løtuni, sigur landslæknin:

Lars Fodgaard Møller leggur afturat, at smittutølini helst eru eini 20 prosent størri, enn staðfestu tilburðirnir vísa.

Smittumetið mánadagin var annars fimti mánadagurin upp í slag, at nýtt met var sett.

27. desember vóru staðfestir 180 tilburðir, 3. januar 279, 10. januar 380, 17. januar 728, og fyrradagin vóru 913 nýggir smittutilburðir. 

Men landslæknin vil ikki siga, um tað er greitt mynstur í uppgerðini. 

Ov stór óvissa er, áðrenn tað kann staðfestast,  eitt nú tal av kanningum um vikuskiftini, positivprosent og nær fólk velja at kanna seg við meira, sigur landslæknin.